Павар «Ланс»дан учралган мағлубиятдан сўнг «Марсел» мухлисларидан узр сўради
Учрашувда француз ҳимоячиси автогол муаллифи бўлди.
ФОТО: Getty Images
Лига 1 Франция
25.10.2025, Як.
Ланс
2
Марсель
1
29 ёшли француз ҳимоячиси Бенжамен Павар «Марсел» мухлисларидан Лига 1нинг 9-турида «Ланс»дан (1:2) учралган мағлубият учун узр сўради.
«Марсел» мухлислари, мени кечиринг. Бу мағлубият учун жавобгарлик менда. Хатоларга йўл қўйдим ва улар учун тўлиқ жавобгарман. Бу футболкани кийганингда, сен муқассал бўлишинг шарт.
Сизларнинг ишончингизни қайта қозониш учун бор кучимни ишга соламан. Қийин дамларда ҳам қўллаб-қувватлаётганингиз учун раҳмат. Биз бирга қайта тикланамиз», — деди Павар.
Маълумот учун, Павар «Ланс»га қарши баҳсда пеналтига сабабчи бўлди, шунингдек, 53-дақиқада кутилмаганда ўз дарвозасини ишғол қилиб қўйди.
Ҳозирда «Марсел» 18 очко билан Лига 1 турнир жадвалида 3-ўринда бормоқда. «ПСЖ» эса 20 очко билан пешқадамлик қилмоқда.
Насрулло Каримов
Журналист