\"Пахтакор\" Ўзбекистон кубогидаги энг йирик ғалабасини қўлга киритди
Футбол
Фарҳод Файзиев
Эксперт
ФОТО: Instagram
Тошкентнинг "Пахтакор" клуби Ўзбекистон кубоги гуруҳ босқичи доирасида "Навоий ФА" меҳмони бўлди ва 9:0 ҳисобида зафар қучди. Эътиборлиси бу ғалаба "шерлар" учун мамлакат кубоги баҳсларидаги энг йирик ғалаба бўлди.
Бунга қадар кубокдаги энг катта ғалаба 1998 йилда қўлга киритилган эди. Ўшанда 1/8 финалда Зангиотанинг "Лочин" клуби 9:1 ҳисобида таслим этилганди.
Маълумот учун, "Пахтакор"нинг Ўзбекистон чемпионатларидаги энг йирик ғалабаси 2007 йил "Қизилқум" устидан қўлга киритилган - 11:0.
