«Пахтакор» академияси CIES томонидан энг яхши 100 академия қаторида эътироф этилди
Халқаро спорт тадқиқотлари маркази (CIES) энг яхши футбол академиялари рейтингини эълон қилди. Рейтинг учун тайёргарлик кўрган футболчилар сони, улар иштирок этаётган клублар даражаси, расмий ўйинларда ўтказган вақтини ҳисобга оладиган индексдан фойдаланилади.
Рейтингда жами 49 лигадан 100 клуб академияси ўрин олган. Академиямиз унда 90-поғонадан ўрин олди. Тарбияланувчиларимиздан 57 нафари расмий ўйинларда жами 1899 дақиқа майдонда ҳаракат қилган. Тайёргарлик индекси эса 34,1 баллни ташкил қилган.
"Пахтакор" бу рейтингга кирган Ўзбекистоннинг ягона клуби бўлди. МДҲ клубларидан Украинанинг иккита клуби - «Динамо Киев» ва «Шахтёр», Россиянинг «Локомотив» жамоалари мавжуд.
Энг яхши 10 академия сифатида "Бенфика", "Барселона", "Ривер Плейт", "Аякс", "Бока Хуниорс", "Спортинг", "Динамо Загреб", "Дефенсор", "Реал" ва "Велес Сарсфилд" академиялари қайд этилган.
