Осимхен А Серияга қайтиши мумкин
Transfermarkt портали экспертлари унинг нархини 75 миллион еврога баҳоламоқда.
ФОТО: Getty images
Ҳуқуқлари Истанбулнинг «Галатасарой» клубига тегишли бўлган нигериялик ҳужумчи Виктор Осимхен Италия А Сериясига қайтиши мумкин. Бу ҳақда Football-Italia журналистлари хабар бермоқда.
Манба маълумотларига кўра, африкалик ҳужумчининг трансферига «Рома» ва Туриннинг «Ювентус» клублари қизиқиш билдирмоқда.
Италия чемпионатида Осимхен «Наполи» сафидаги ўйинлари билан ёдда қолган. 27 ёшли нигериялик футболчининг турк клуби билан шартномаси 2029 йилнинг июнь ойи охиригача амал қилади.
Transfermarkt портали экспертлари унинг нархини 75 миллион еврога баҳоламоқда. Туркия чемпионатининг ўтган мавсумида Виктор 22 та учрашувда майдонга тушиб, 15 та гол ва 5 та голли узатмага муаллифлик қилди.
Розикжон Султонмуродов
Журналист