Ойбек Бозоров «Пахтакор» футболчисига айланди
Футболчи пойтахт клуби билан икки йиллик шартнома имзолади.
Фото: Пахтакор ПФК
Тошкентнинг “Пахтакор” жамоаси трансфер мавсумидаги иккинчи келишувини амалга оширди.
Маҳоратли ярим ҳимоячи Ойбек Бозоров “шерлар” сафига келиб қўшилди. Футболчи пойтахт клуби билан икки йиллик шартнома имзолади.
У ҳозирга қадар Суперлигада 165 учрашувда майдонга тушиб, 23 гол урган ва 32 голли узатма соҳиби бўлган. Осиё клублари халқаро мусобақаларида эса 31 ўйинда қатнашган.
«Бозоров ўзининг ҳужумдаги ижодкор ҳаракатлари билан "Пахтакор"нинг ютуқларига муносиб ҳисса қўшишига ишонамиз”, - дейилади клуб хабарида.
Розикжон Султонмуродов
Журналист
