Oybek Bozorov «Paxtakor» futbolchisiga aylandi

Toshkentning “Paxtakor” jamoasi transfer mavsumidagi ikkinchi kelishuvini amalga oshirdi.

Mahoratli yarim himoyachi Oybek Bozorov “sherlar” safiga kelib qo‘shildi. Futbolchi poytaxt klubi bilan ikki yillik shartnoma imzoladi.

U hozirgacha Superligada 165 uchrashuvda maydonga tushib, 23 gol urgan va 32 golli uzatma muallifi bo‘lgan. Osiyo klublari xalqaro musobaqalarida esa 31 o‘yinda qatnashgan.

«Bozorov o‘zining hujumdagi ijodkor harakatlari bilan "Paxtakor"ning yutuqlariga munosib hissa qo‘shishiga ishonamiz”, - deyiladi klub xabarida.

Roziqjon Sultonmurodov

Jurnalist