Неймар Бразилия терма жамоасининг бўлажак ўйинларини ўтказиб юборади
Унинг мушакида муаммо кузатилмоқда.
ФОТО: Getty images
Бразилия терма жамоаси тиббиёт маркази раҳбари Родриго Ласмар жамоанинг қанот ҳужумчиси Неймар мушак жароҳатини олгани ва тахминан икки ёки уч ҳафта давомида майдонга туша олмаслигини маълум қилди.
Шу тариқа, вингер Бразилиянинг яқинлашиб келаётган ўртоқлик ўйинларини ўтказиб юборади ва Жаҳон чемпионати—2026 даги биринчи ўйингача тикланишга улгурмаслиги мумкин.
«Неймар барча тиббий кўриклардан ўтди, биз МРТ қилдик, бу иккинчи даражали мушак шикастланишини аниқлади. Спортчи даволанишни давом эттирмоқда — унинг икки-уч ҳафта ичида тикланиши кутилмоқда», — дея Ласмарнинг сўзларини келтиради ESPN.
Жаҳон чемпионатидаги илк ўйинни Бразилия Марокашга қарши ўтказади. Ўйин 14 июн куни бўлиб ўтади.
Розикжон Султонмуродов
Журналист