Neymar Braziliya terma jamoasining bo‘lajak o‘yinlarini o‘tkazib yuboradi

Braziliya terma jamoasi tibbiyot markazi rahbari Rodrigo Lasmar jamoaning qanot hujumchisi Neymar mushak jarohatini olgani va taxminan ikki yoki uch hafta davomida maydonga tusha olmasligini ma'lum qildi.

Shu tariqa, vinger Braziliyaning yaqinlashib kelayotgan o‘rtoqlik o‘yinlarini o‘tkazib yuboradi va Jahon chempionati—2026 dagi birinchi o‘yinga qadar tiklanishga ulgurmasligi mumkin.

«Neymar barcha tibbiy ko‘riklardan o‘tdi, biz MRT qildik, bu ikkinchi darajali mushak shikastlanishini aniqladi. Sportchi davolanishni davom ettirmoqda — uning ikki-uch hafta ichida tiklanishi kutilmoqda», — deya Lasmarning so‘zlarini keltiradi ESPN.

Jahon chempionatidagi ilk o‘yinni Braziliya Marokashga qarshi o‘tkazadi. O‘yin 14 iyun kuni bo‘lib o‘tadi.

Roziqjon Sultonmurodov

Jurnalist