“Napoli” “Shaxtyor” ярим ҳимоячисининг трансфери учун 35 миллион евро таклиф юборди
ФОТО: Getty Images
Италиянинг “Napoli” клуби “Shaxtyor”нинг украиналик ярим ҳимоячиси Георгий Судаковнинг трансфери бўйича расмий таклиф билан чиқди. Бу ҳақда Фабрицио Романо хабар бермоқда.
Манбага кўра, неаполликлар кончиларга 35 миллион евро таклиф қилган, бироқ рад жавоби берилган. “Shaxtyor” асосий футболчиларидан бири учун кўпроқ пул олмоқчи.
Қайд этилишича, Судаковнинг ўзи ҳам “Napoli”га ўтишдан манфаатдор ва томонлар келишувга эришгунча кутмоқчи.
Маълумот учун, Судаков 2021-йилдан буён “Shaxtyor” таркибида ўйнаб келмоқда. Унинг Transfermarkt'даги нархи 32 миллион еврога баҳоланмоқда.
Насрулло Каримов
Журналист