«Наполи» Милинкович-Савичнинг трансферини эълон қилди
Фото: Getty Images
“Наполи” клуби Сербия терма жамоаси ва “Торино” посбони Ваня Милинкович-Савичнинг трансферини эълон қилди. Бу ҳақда клуб расмий сайти хабар берди.
Манбага кўра, томонлар ўртасида мажбурий сотиб олиш шарти билан ижара шартномаси имзоланган.
Фабрицио Романонинг сўзларига кўра, келишув 21 миллион еврони ташкил қилган ва бу маблағни неаполликлар 4 йил давомида тўлаб беради.
Маълумот учун, Милинкович-Савич ўтган мавсум А Серияда 37 та ўйинда майдонга тушиб, 42 та гол ўтказиб юборган.
Баҳром Бобонов
Редактор