«МЮ» Майкл Кэррик билан шартномани 2029 йилгача узайтирмоқчи — Скира
Томонлар ўртасида музокаралар давом этмоқда.
ФОТО: Getty images
«Манчестер Юнайтед» раҳбарияти жамоанинг вақтинчалик бош мураббийи Майкл Кэррик билан янги икки йиллик шартнома бўйича келишувга эришишни режалаштирмоқда. Бу ҳақда журналист Николо Скира X ижтимоий тармоғида маълум қилди.
«Манчестер Юнайтед» Майкл Кэррикка 2029 йилгача мўлжалланган янги шартнома таклиф қилишга тайёр», — деб ёзди Скира.
44 ёшли Майкл Кэррик 2026 йил 13 январдан буён «Манчестер Юнайтед»нинг вақтинчалик бош мураббийи сифатида ишлаб келмоқда.
Англия Премьер-лигаси 2025/2026 йилги мавсумининг 36 туридан сўнг «Манчестер Юнайтед» 65 очко билан мусобақа жадвалида 3-ўринни эгаллаб турибди. 79 очко тўплаган «Арсенал» эса пешқадамлик қилмоқда.
Розикжон Султонмуродов
Журналист
