«МЮ» Кенан Йилдиз учун «Ювентус»га 78 миллион фунт тўлашга тайёр
Турк вингери фаолиятини АПЛда давом эттириши мумкин.
ФОТО: Getty Images
«Манчестер Юнайтед» «Ювентус» ҳужумчиси Кенан Йилдизга қизиқиш билдирмоқда ва келаси ёзда уни ўз сафига қўшиб олмоқчи. Бу ҳақда Caught Offside нашри хабар бермоқда.
Манбага кўра, манкуниянликлар 20 ёшли футболчини қўлга киритиш учун туринликларга 78 миллион фунт стерлинг тўлашга тайёр.
Қайд этилишича, Йилдизга, шунингдек, «Челси» ва «Арсенал» клублари ҳам қизиқиш билдирмоқда.
Маълумот учун, турк вингери жорий мавсум барча турнирларда 12 та ўйинда майдонга тушиб, 5 та гол урди ва 6 та голли узатмани амалга оширди. Унинг Transfermarkt'даги нархи 75 миллион еврога баҳоланмоқда.
Насрулло Каримов
Журналист
