Моуриньюнинг «Реал»даги илк вазифаси маълум
Мадриднинг «Реал» клуби бошқарувига келиши кутилётаган португалиялик мураббий Жозе Моуринью олдига биринчи навбатда ҳужумчилар Килиан Мбаппе ва Винисиус Жуниор боғламасини юқори даражага олиб чиқиш вазифаси қўйилди. Бу ҳақда AS нашри хабар бермоқда.
Манба берган маълумотларга кўра, «Қироллик клуби» раҳбарияти ушбу футболчиларнинг бирортасини сотиш вариантини умуман кўриб чиқмаяпти. Чунки клуб уларни «қаймоқранглилар» лойиҳасининг келажаги сифатида кўрмоқда. Қайд этилишича, Моуриньюнинг асосий вазифаси Мбаппе ва Винисиус тандеми наfaқат Испанияда, балки Чемпионлар лигасида ҳам энг рақобатбардош жуфтликка айлантиришдан иборат бўлади.
Бразилиялик ҳужумчининг амалдаги шартномаси якунланишига бир йил вақт қолган бўлса-да, томонлар ўртасидаги музокаралар аста-секин олдинга силжимоқда. «Реал» раҳбарияти янги битим ЖЧ-2026 бошланишига қадар расман имзоланишига тўлиқ ишонмоқда.
