Моуриньюнинг «Реал»да қанча маош олиши маълум
Мадриднинг «Реал» клуби жамоа бош мураббийлигига тайинланиши кутилаётган Жозе Моуриньюга йилига 6 миллион евро маош тўлайди. Ушбу сумма «қаймоқранглилар»нинг собиқ устози Хаби Алонсо маошига яқин ҳисобланади. Бу ҳақда Sport.es хабар бермоқда.
Манбанинг ёзишича, айни дамда португалиялик мутахассис клуб билан неча мавсумга мўлжалланган шартнома имзолаши ҳозирча номаълумлигича қолмоқда.
Шунингдек, Sport.es нашри «Реал» Моуриньюнинг амалдаги клуби «Бенфика» билан шартномани муддатидан олдин бекор қилгани учун Португалия томонига 7 миллион евро товон пули тўлаши ҳақидаги хабарларни тасдиқлади.
Эслатиб ўтамиз, Хаби Алонсо мадридликларни 2025 йилнинг ёзидан 2026 йилнинг январига қадар бошқарган эди. Жозе Моуринью эса муқаддам 2010–2013 йилларда ҳам ушбу Испания грандида фаолият олиб борган.
