Моуринью Шлоттербекни «Реал»га олиб келмоқчи
“Реал” бош мураббий сифатида Жозе Моуриньюни тайинласа, Германиядан ҳимоячи сотиб олади.
Журналист Андрес Мартинес хабар беришича, “Боруссия Д” ҳимоячиси Нико Шлоттербек “Реал”нинг асосий мақсадига айланган.
Манбага кўра, португалиялик мутахассис 23 май куни бўлиб ўтган Германия Кубоги финали — “Бавария” ва “Штутгарт” ўртасидаги ўйинни кузатган.
Германияга ташрифи давомида у Шлоттербек атрофидагилар билан ҳам учрашиб, футболчининг “Реал”га эҳтимолий трансферини муҳокама қилган.
Футболчи 2022 йилда “Фрайбург”дан “Боруссия Д”га 20 миллион евро эвазига ўтган. Унинг амалдаги шартномаси 2031 йил июнигача мўлжалланган.
Якунланган мавсумда ҳимоячи 37 та ўйинда иштирок этиб, 5 та гол ва 2 та голли узатма қайд этган. Transfermarkt маълумотига кўра, унинг бозор қиймати тахминан 55 миллион еврони ташкил этади.
