Mourinyo Shlotterbekni «Real»ga olib kelmoqchi
Agar “Real” bosh murabbiy sifatida Joze Mourinyo tayinlansa, Germaniyadan himoyachi xarid qilinadi.
Jurnalist Andres Martinezning xabar berishicha, “Borussiya D” himoyachisi Niko Shlotterbek “Real”ning asosiy transfer nishoniga aylangan.
Manbaga ko'ra, portugaliyalik mutaxassis 23-may kuni bo'lib o'tgan Germaniya Kubogi finali — “Bavariya” va “Shtutgart” o'rtasidagi o'yinni kuzatgan.
Germaniyaga tashrifi davomida u Shlotterbek atrofidagilar bilan ham uchrashib, futbolchining “Real”ga ehtimoliy transferini muhokama qilgan.
Futbolchi 2022-yilda “Frayburg”dan “Borussiya D”ga 20 million yevro evaziga o'tgan. Uning amaldagi shartnomasi 2031-yil iyuniga qadar mo'ljallangan.
Yakunlangan mavsumda himoyachi 37 ta o'yinda ishtirok etib, 5 ta gol va 2 ta golli uzatma qayd etgan. Transfermarkt ma'lumotiga ko'ra, uning bozor qiymati taxminan 55 million yevroni tashkil etadi.
