Моуринью «Реал»га ўтиш-ўтмаслигидан қатъий назар «Бенфика»дан кетишга қарор қилди
«Бенфика» бош мураббийи Жозе Моуринью Мадриднинг «Реал» клубига тайинланиш-тайинланмаслигидан қатъи назар, Лиссабон жамоасини тарк этишга қарор қилди. Португалиялик мутахассиснинг ушбу кетиши «фожиали эмас, аммо дўстона ҳам эмас». Бу ҳақда AS нашри хабар бермоқда.
Манбанинг хабар беришича, Моуринью пайшанба куни клубдан шартномани узайтириш бўйича таклиф олган ва буни якшанба куниги охирги ўйингача кўриб чиқмаслигини оммавий равишда эълон қилгани «Бенфика» раҳбариятига маъқул келмаган. Ўз навбатида, мураббий ҳам клубнинг янги шартнома борасида анча вақт чўзиб юрганидан ва фақатгина «қироллик клуби» қизиқиш билдириб бошлаганда таклиф билан чиққанидан норози бўлган.
Агар Флорентино Перес Мадрид клубидаги президентлик сайловларида ғалаба қозона олмаса ҳам, Моуринью барибир «Бенфика»да қолмайди. Бироқ, Переснинг сайловда ютқазиш эҳтимоли жуда паст баҳоланмоқда.
