Моуриньо «Реал» билан шартнома имзолади – Романо
Келишув 2029 йилнинг ёзига қадар амал қилади.
ФОТО: Getty images
Португалиялик мураббий Жозе Моуриньо “Реал” клуби билан шартнома имзолади. Бу ҳақда инсайдер Фабрицио Романо ижтимоий тармоқда маълум қилди.
Манбага кўра, мутахассис билан тузилган келишув 2029 йил июнига қадар мўлжалланган. Қайд этилишича, шартнома аллақачон имзоланган ва кучга кирган. Моуринью келаси ҳафтада Мадридга етиб келиши кутилмоқда.
Эслатиб ўтамиз, Моуриньо аввал ҳам 2010 йил июлдан 2013 йил июнига қадар «Реал»ни бошқарган. У мадридликлардан кетганидан сўнг “Челси”, “МЮ”, “Тоттенхэм”, “Рома”, “Фенербахче” ва “Бенфика” жамоаларида ҳам ишлади.
Маълумот учун, 2025/2026 йилги мавсумда унинг жамоаси Португалия чемпионатида 23 та ғалаба, 11 та дуранг қайд этган ва ҳали мағлубиятга учрамаган.
Розикжон Султонмуродов
Журналист
