Моурино «Реал» билан шартнома имзолаб бўлган — манба
Мураббийнинг испан клуби билан меҳнат шартномаси уч йилга мўлжалланган.
ФОТО: Getty images
Ҳозирда Лиссабоннинг «Бенфика» клубини бошқараётган мураббий Жозе Моурино Мадриднинг «Реал» клубига қайтиши аниқ. Бу ҳақда The Athletic журнали журналисти ва инсайдери Давид Орнштейн X ижтимоий тармоғида хабар бермоқда.
Манбага кўра, португалиялик мутахассис «қаймоқранглилар» билан аллақачон шартнома имзолаган. Мураббийнинг испан клуби билан меҳнат шартномаси уч йилга мўлжалланган. Бу ҳақда 7-июнь куни бўлиб ўтадиган «Реал»даги президентлик сайловларидан сўнг расман эълон қилинади.
Моурино 2010-йилдан 2013-йилгача «Реал»ни бошқарган. Унинг қўл остида жамоа Испания чемпионати, Кубоги ва Суперкубогини қўлга киритган. Ўтган мавсум якунига кўра, «қаймоқранглилар» бирорта ҳам соврин юта олмади.
Розикжон Султонмуродов
Журналист
