Месси Ламин Ямални ўзи билан таққослади
Футбол
Насрулло Каримов
Журналист
ФОТО: Getty Images
“Интер Майами” клуби ҳужумчиси Лионель Месси “Барселона”нинг 17 ёшли вингери Ламин Ямал ҳақида гапирди.
“Ямал нималарга эришгани ва эришмоқда жуда ҳайратланарли. У аллақачон Испания терма жамоаси билан Европа чемпиони бўлган.
У эндигина 17 ёшда, у ҳали ҳам ўсиб бормоқда ва мен каби ўз ўйин арсеналини кенгайтириб, футболчи сифатида ривожланишда давом этади. У ажойиб фазилатларга эга. У аллақачон дунёдаги энг яхшилардан бири”, - дейди Месси.
Маълумот учун, Ямал жорий мавсум барча турнирларда 44 та ўйинда майдонга тушиб, 14 та гол урди ва 21 та голли узатмани амалга оширди. Унинг Трансфермарктдаги нархи 180 миллион еврога баҳоланмоқда.
