«Менга таклифлар бўлганми? Ҳа, албатта». Дешам — унга «Реал» томонидан бўлган қизиқиш ҳақида
Франция терма жамоаси бош мураббийи Дидье Дешам Мадриднинг «Реал» клуби бош мураббийлигига номзодлар рўйхатида борлигини изоҳлади ҳамда 2026 йилги жаҳон чемпионатидан кейинги келажаги ҳақида гапириб берди.
«Мен дастлабки саралашда номзодлар рўйхатида бўлганман. Эсимда, ўғлим бу ҳақда менга ҳазиллашиб айтарди, чунки мен билан икки йил давомида шундай бўлган. Мен 2007 йилда «Ювентус»дан кетганман ва деярли барча номзодлар рўйхатида бўлганман, лекин ўғлим муаммо менинг доим ўша рўйхатларда пайдо бўлишимда эканлигини айтарди. Бу ростми ёки йўқми, тафсилотларга берилмайман, чунки бунинг аҳамияти йўқ.
Менга таклифлар бўлганми? Ҳа, албатта. Ҳозир бу мени қизиқтирмайди. Энг муҳими – бугун ва эрта. Эртага – жаҳон чемпионати. Мен ўзимни доим Франция терма жамоаси хизматида деб ҳисоблаганман», – дея Дешамнинг сўзларини келтиради RMC Sport.
