Мбеумо АПЛнинг октябрь ойидаги энг яхши футболчиси
У ўтган ойда учта ўйинида қатнашиб, учта гол урди ва битта голли узатмани амалга оширди.
ФОТО: Getty images
"Манчестер Юнайтед" ҳужумчиси Брайян Мбеумо АПЛнинг октябрь ойидаги энг яхши футболчиси деб топилди. Бу ҳақда Премьер-лига матбуот хизмати ижтимоий тармоқларда маблум қилди.
Октябрь ойида Мбеумо Англия Премьер-лигасининг учта ўйинида қатнашиб, учта гол урди ва битта голли узатмани амалга оширди. "Қизил иблислар" "Сандерленд" (2:0), "Ливерпул" (2:1) ва "Брайтон" (4:2) клубларини мағлуб этишди.
Маълумот учун, “Манчестер Юнайтед” 10 ўйиндан кейин 17 очко тўплаган ҳолда Англия Премьер-лигаси жадвалида саккизинчи ўринда бормоқда.
Шунингдек, жамоа бош мураббийи Рубен Аморим октябрнинг энг яхши мураббийига айланганди.
Розикжон Султонмуродов
Журналист
