Mbeumo APLning oktyabr oyidagi eng yaxshi futbolchisi
U o‘tgan oyda uchtadan o‘yinda qatnashib, uchta gol urdi va bitta golli uzatmani amalga oshirdi.
ФОТО: Getty images
"Manchester Yunayted" hujumchisi Brayyan Mbeumo APLning oktyabr oyidagi eng yaxshi futbolchisi deb topildi. Bu haqda Premyer-liga matbuot xizmati ijtimoiy tarmoqlarda ma’lum qildi.
Oktyabr oyida Mbeumo Angliya Premyer-ligasining uchtadan o‘yinida qatnashib, uchta gol urdi va bitta golli uzatmani amalga oshirdi. "Qizil iblislar" "Sanderlend" (2:0), "Liverpul" (2:1) va "Brayton" (4:2) klublarini mag‘lub etishdi.
Ma’lumot uchun, “Manchester Yunayted” 10 o‘yindan so‘ng 17 ochko to‘plagan holda Angliya Premyer-ligasi jadvalida sakkizinchi o‘rinda bormoqda.
Shuningdek, jamoa bosh murabbiyi Ruben Amorim oktyabrning eng yaxshi murabbiyiga aylangandi.
Roziqjon Sultonmurodov
Jurnalist
