Мбаппе «Реал» тарихида бир йилда 55 та гол урган иккинчи футболчига айланди
«Реал Мадрид» ҳужумчиси Килиан Мбаппе клуб тарихида яна бир ютуққа эришди. Франциялик юлдуз бир календарь йилида 55 та гол уришга муваффақ бўлиб, клуб тарихида бундай натижага эришган иккинчи футболчига айланди.
Бунгача бу маррани фақат афсонавий португалиялик ҳужумчи Криштиану Роналду забт этган эди. Ҳозирда Роналду Саудия Арабистонининг «Ан Наср» клубида тўп суради.
«Реал» сафида бир календарь йилида энг кўп гол урган футболчилар рўйхати қуйидагича:
• «Криштиану Роналду, 2013 — 59 та гол»
• «Криштиану Роналду, 2012 — 58 та гол»
• «Криштиану Роналду, 2014 — 56 та гол»
• «Килиан Мбаппе, 2025 — 55 та гол (йил охиригача яна бир неча ўйин бор)»
• «Криштиану Роналду, 2015 — 54 та гол»
• «Криштиану Роналду, 2011 — 53 та гол»
Эслатиб ўтамиз, Мбаппе 2024 йил ёзида «Реал Мадрид» сафига қўшилган эди.
