Мбаппе «Барселона»га қарши ўйнайдими? Қарор — ўйин олдидан
Мадриднинг «Реал» клуби бош мураббийи Карло Анчелотти Килиан Мбаппенинг Испания Кубоги финалида «Барселона»га қарши иштирок этиш-этмаслиги ҳақидаги қарорни ўйин бошланишига бир неча соат қолганда қабул қилади. Бу ҳақда британиялик COPE нашри хабар берди.
Манбага кўра, италиялик мутахассис француз ҳужумчисининг асосий таркибда майдонга тушиши борасидаги якуний қарорни тўғридан-тўғри ўйин олдидан қабул қилади. Агар Мбаппе асосий таркибда бошласа, эҳтимол, бразилиялик Родриго захирада қолади. Эслатиб ўтамиз, Мбаппе Чемпионлар Лигаси доирасида «Арсенал»га қарши ўйинда жароҳат олган ва шу сабаб Ла Лиганинг сўнгги икки учрашувини ўтказиб юборган.
Жорий мавсумда у барча мусобақаларда клуб сафида 50 ўйинда иштирок этган, 33 та гол урган ва 5 та голли узатма амалга оширган. Мбаппенинг «Реал» билан шартномаси 2029 йил ёзигача амал қилади, унинг трансфер баҳоси Transfermarkt маълумотларига кўра 170 миллион еврони ташкил қилади.
