Мастантуоно жароҳати сабаб номаълум муддатга сафдан чиқди

Мадриднинг «Реал» клуби яримҳимоячиси Франко Мастантуоно жароҳат олиб, номаълум муддатга сафдан чиқди. Бу ҳақда «қаймоқранглилар» матбуот хизмати расман эълон қилди.

«Бугун ўтказилган тиббий текширув натижасига кўра, футболчимиз Франко Мастантуонида пубалгия (қов жароҳати) аниқланган. Унинг соғлиғи клуб шифокорлари назоратида бўлади», — дейилади клуб баёнотида.

Эслатиб ўтамиз, Мастантуоно жорий йилнинг август ойида «Ривер Плейт»дан «Реал»га ўтганди. Бу давр ичида у барча турнирларда 12 та ўйинда майдонга тушиб, 1 та гол урди ва 1 та голли узатмани амалга оширди.

Насрулло Каримов

Журналист