«Машъал» Страхинья Бошняк билан шартнома имзолади
Муборакнинг «Машъал» футбол клуби ёзги трансферлар даврида таркибини яна бир тажрибали ҳимоячи билан кучайтирди. Жамоа сербиялик марказий ҳимоячи Страхинья Бошняк билан 2026 йил мавсуми якунига қадар амал қиладиган шартнома имзолади.
27 ёшли футболчи 1999 йил 18 февралда Сербиянинг Кралево шаҳрида туғилган. У 1,84 метр бўйга эга бўлиб, чап оёқда ўйнайди. Асосий позицияси — марказий ҳимоячи. Страхинья Сербия ва Босния ва Герцеговина фуқаролигига эга.
Бошняк футболчилик фаолиятини ОФК «Белград» академиясида бошлаган, кейинчалик Сербиянинг машҳур «Партизан» академиясида таҳсил олган. Катта футболда эса «Партизан», «Вождовац», «Жарково», «Раднички» (Сремска Митровица), Италиянинг «Гравина» ҳамда сўнгги марта Сербиянинг «Дубочица» (Лесковац) клублари сафида тўп сурган.
Ҳимоячи Сербиянинг турли ёш тоифасидаги терма жамоаларида ҳам мунтазам ўйнаган. У U-16, U-17, U-18 ва U-19 жамоаларида жами 40 дан ортиқ учрашувда иштирок этган, U-21 терма жамоаси сафида эса битта расмий ўйинда майдонга тушган.
