Марсело: «Мен Мбаппе билан бирга ўйнашни истаган эдим, лекин у бироз кеч келди»
«Реал» собиқ ҳимоячиси Килиан ҳақида фикр билдирди.
ФОТО: Getty Images
Мадриднинг «Реал» клуби собиқ бразилиялик ҳимоячиси ва собиқ сардори Марсело клуб ҳужумчиси Килиан Мбаппе ҳақида илиқ фикр билдирди.
«У фантастик, ҳайратланарли даражада кучли, ҳақиқий жисмоний мўъжиза. Мбаппе ниҳоятда иқтидорли, меҳнаткаш, курашувчан ва гол ура оладиган футболчи… Мен уни жуда яхши кўраман. Мен у билан бирга ўйнашни истаган эдим, лекин у бироз кечроқ келди», — дея Марселонинг сўзларини келтиради AS.
Эслатиб ўтамиз, Мбаппе 2024 йилда «Реал Мадрид» сафига қўшилган. Унинг клуб билан тузган шартномаси 2029 йилгача мўлжалланган. Жорий мавсумда франциялик юлдуз барча мусобақалар доирасида 23 та ўйинда майдонга тушиб, 26 та гол урди ва 4 та голли узатма берди.
Насрулло Каримов
Журналист
