Marselo: «Men Mbappe bilan birga oʻynashni istagan edim, lekin u biroz kech keldi»
«Real» sobiq himoyachisi Kilian haqida fikr bildirdi.
FOTO: Getty Images
Madridning «Real» klubi sobiq braziliyalik himoyachisi va sobiq sardori Marselo klub hujumchisi Kilian Mbappe haqida iliq fikr bildirdi.
«U fantastik, hayratlanarli darajada kuchli, haqiqiy jismoniy mo‘jiza. Mbappe nihoyatda iqtidorli, mehnatkash, kurashuvchan va gol ura oladigan futbolchi… Men uni juda yaxshi ko‘raman. Men u bilan birga o‘ynashni istagan edim, lekin u biroz kechroq keldi», — deya Marseloning so‘zlarini keltiradi AS.
Eslatib oʻtamiz, Mbappe 2024 yilda «Real Madrid» safiga qo‘shilgan. Uning klub bilan tuzgan shartnomasi 2029 yilgacha mo‘ljallangan. Joriy mavsumda fransiyalik yulduz barcha musobaqalar doirasida 23 ta o‘yinda maydonga tushib, 26 ta gol urdi va 4 ta golli uzatma berdi.
Nasrullo Karimov
Jurnalist
