Маркус Беттинелли — \"Манчестер Сити\" футболчиси
Фото: Манчестер Сити
“Манчестер Сити” клуби “Челси”дан Маркус Беттинеллини ўз сафига қўшиб олди.
Қайд этилишича, англиялик 33 ёшли дарвозабон “шаҳарликлар” билан 1 йиллик шартнома имзолади. У янги жамоасига клублар ўртасидаги жаҳон чемпионати олдидан қўшилади.
Аслида Беттинелли “Фулхэм” тарбияланувчиси саналади. У “Челси”га 2021 йил ўтган ва шундан бери фақат 1 та баҳсда майдонга тушганди.
Аввалроқ “Манчестер Сити” ўзининг учинчи дарвозабони Скотт Карсон билан хайрлашганди. Карсон клуб билан 11та соврин ютган ва расмий ўйинларда икки маротаба майдонга тушганди.
