Markus Bettinelli — \"Manchester City\" futbolchisi
Photo: Manchester City
“Manchester City” klubi “Chelsea”dan Markus Bettinellini o‘z safiga qo‘shib oldi.
Qayd etilishicha, inglizlik 33 yoshli darvozabon “shaharliklar” bilan 1 yillik shartnoma imzoladi. U yangi jamoasiga klublar o‘rtasidagi jahon chempionati oldidan qo‘shiladi.
Aslida Bettinelli “Fulham” tarbiyalanuvchisi sanaladi. U “Chelsea”ga 2021 yili o‘tgan va shundan beri faqat 1 ta bahsda maydonga tushgandi.
Avvalroq “Manchester City” o‘zining uchinchi darvozaboni Scott Carson bilan xayrlashgandi. Carson klub bilan 11ta sovrin yutgan va rasmiy o‘yinlarda ikki marotaba maydonga tushgandi.
Roziqjon Sultonmurodov
Jurnalist