Marca: Роналдунинг “Ал-Наср” билан шартномаси узайтирилмаслиги мумкин
40 ёшли португалиялик ҳужумчи Криштиану Роналдунинг “Ал-Наср” билан шартномасини узайтириш масаласи хавф остида қолмоқда. Бу ҳақда испаниялик Marca нашри хабар берди.
Манбага кўра, аввалроқ клуб ва футболчи ўзаро келишувга эришиб, шартномани яна икки йилга узайтиришга қарор қилганди. Бироқ жамоанинг сўнгги натижалари, хусусан, Осиё чемпионлар лигаси ярим финалида Япониянинг “Кавасаки Фронтале” жамоасига қарши учрашувда (2:3) мағлубиятга учраш бу келишувга жиддий таъсир қилган.
Шунингдек, клуб раҳбарияти Роналдунинг Саудия чемпионати 30-турида “Ал-Иттихoд”га қарши ўйинда (2:3) мағлубиятдан кейинги реакциясидан ҳам норози бўлган. Маълумотларга кўра, футболчи учрашув тугаган заҳоти ғазаб билан майдонни тарк этган.
Marca ёзишича, “Ал-Наср” раҳбарияти Роналду жамоага совринлар ютишда катта ёрдам беради, деб умид қилган, бироқ бу кутилмалар ҳозирча ўзини оқламаяпти.
