“Манчестер Юнайтед” Мбемо учун 60 миллион фунт таклиф қилди
ФОТО: Getty Images
“Брентфорд” “Манчестер Юнайтед”нинг 25 ёшли ҳужумчи Брайан Мбемо учун юборган 55 миллион фунт стерлинглик биринчи таклифини рад этди. Бу ҳақда ESPN нашри хабар бермоқда.
Манбага кўра, “қизил иблислар” камераунлик футболчи учун янги таклиф йўллаган ва трансфер учун 60 миллион фунтдан кўпроқ тўлашга тайёр. Қайд этилишича, манкуниянликлар трансферни тезроқ якунламоқчи.
Маълумот учун, Мбемо ўтган мавсум барча турнирларда 42 та ўйинда майдонга тушиб, 20 та гол урди ва 9 та голли узатмани амалга оширди. Унинг Transfermarkt'даги нархи 55 миллион еврога баҳоланмоқда.
Насрулло Каримов
Журналист