“Манчестер Юнайтед” Бруну Фернандешга ўринбосар топди
Футбол
Насрулло Каримов
Журналист
ФОТО: Getty Images
“Манчестер Юнайтед” “Спортинг”нинг 26 ёшли ярим ҳимоячиси Педру Гонсалвешга қизиқиш билдирмоқда. Бу ҳақда A Bola нашри хабар бермоқда.
Манбага кўра, манкуниянликлар Гонсалвешни Бруну Фернандешга ўринбосар сифатида кўрмоқда. Аввалроқ ОАВда “Ал-Ҳилол” 30 ёшли португалиялик футболчига қизиқиш билдираётгани ҳақида хабарлар тарқалганди.
Қайд этилишича, Лиссабон клуби Гонсалвешни 80 миллион еврога сотишга тайёр. Бу футболчининг шартномасидаги товон пули сифатида кўрсатилган.
Маълумот учун, Гонсалвеш ўтган мавсум барча турнирларда 20 та ўйин ўтказиб, 6 та гол урди ва 6 та голли узатмани амалга оширди. Унинг Transfermarkt’даги нархи 30 миллион евро деб баҳоланмоқда.
