«Манчестер Юнайтед» беш ўйиндан бери мағлубиятга учрамаяпти
Англия Премьер-лигасининг 11-туридан ўрин олган баҳсда «Манчестер Юнайтед» сафарда «Тоттенхэм» меҳмони бўлиб, 2:2 ҳисобига дурангга имзо чекди.
Шу тариқа, Рубен Аморим АПЛ доирасида кетма-кет бешинчи учрашувда мағлуб бўлмади. Сўнгги бор бундай натижалар серияси клубда 2024 йил февралида кузатилган эди.
«Қизил иблислар»нинг бундай муваффақиятли серияси 7-турда «Сандерленд» устидан 2:0 ҳисобидаги ғалабадан бошланди. Кейин жамоа «Ливерпуль» (2:1) ва «Брайтон» (4:2) устидан ҳам ишончли ғалабалар қайд этди.
Сўнгги турда эса «МЮ» «Ноттингем Форест» ва «Тоттенхэм» билан дуранг ўйнади — 2:2.
Маълумот учун, манкунияликлар АПЛ доирасида ўзининг навбатдаги ўйинини 24 ноябр куни «Эвертон»га қарши ўтказади. Ҳозирда «қизил иблислар» 18 очко билан турнир жадвалида 7-ўринни эгаллаб турибди.
