«Manchester Yunayted» besh oʻyindan beri magʻlubiyatga uchramayapti
Angliya Premyer-ligasining 11-turidan oʻrin olgan bahsda «Manchester Yunayted» safarda «Tottenhem» mehmoni boʻlib, 2:2 hisobida durangga imzo chekdi.
Shu tariqa, Ruben Amorim APL doirasida ketma-ket beshinchi uchrashuvda magʻlub boʻlmadi. Soʻnggi bor bunday natijalar seriyasi klubda 2024 yil fevralida kuzatilgan edi.
«Qizil iblislar»ning bunday muvaffaqiyatli seriyasi 7-turda «Sanderlend» ustidan 2:0 hisobidagi gʻalabadan boshlandi. Keyin jamoa «Liverpul» (2:1) va «Brayton» (4:2) ustidan ham ishonchli gʻalabalar qayd etdi.
Soʻnggi turda esa «MYU» «Nottingem Forest» va «Tottenhem» bilan durang oʻynadi — 2:2.
Maʼlumot uchun, mankunianliklar APL doirasida oʻzining navbatdagi oʻyinini 24 noyabr kuni «Everton»ga qarshi oʻtkazadi. Hozirda «qizil iblislar» 18 ochko bilan turnir jadvalida 7-oʻrinni egallab turibdi.
