“Манчестер Сити”нинг ўтган мавсумдаги энг яхши футболчиси аниқланди
ФОТО: Getty Images
“Манчестер Сити”нинг хорватиялик ҳимоячиси Ёшко Гвардиол жамоанинг ўтган мавсумдаги энг яхши футболчиси деб топилди. Бу ҳақда клуб матбуот хизмати хабар бермоқда.
Гвардиол ўтган мавсум барча турнирларда 53 та ўйинда майдонга тушиб, 6 та гол урди ва 2 та голли узатмани амалга оширди. Унинг “шаҳарликлар” билан тузган амалдаги шартномаси 2028 йилгача амал қилади.
Маълумот учун, “Манчестер Сити” ўтган мавсум АПЛда 71 очко жамғариб, учинчи ўринни эгаллади ва келаси мавсум Чемпионлар Лигасида иштирок этиш имкониятини қўлга киритди.
Насрулло Каримов
Журналист