«Манчестер Сити» журналистларга Гвардиола ҳақида савол беришни тақиқлади
«Манчестер Сити» клуби журналистларга бош мураббий Пеп Гвардиоланинг келажаги ҳақида савол беришни тақиқлади. Клуб испаниялик мутахассиснинг эҳтимолий кетиши билан боғлиқ хабарлар фонида уни ноқулай саволлардан ҳимоя қилмоқда, дея хабар бермоқда The Touchline ижтимоий тармоқларда.
Манба берган хабарга кўра, «Манчестер Сити» раҳбарияти Гвардиолани матбуот эътиборидан ҳимоя қилиш учун чоралар кўрган. Клуб АПЛ 37-туридан ўрин олган «Борнмут»га қарши ўйин олдидан ташкил этилган матбуот анжуманида журналистларга унинг келажаги ҳақида савол беришни ман этди.
Англия клуби инсайдерларининг Гвардиола бир йиллик таътилга чиқиши ва клубдаги мураббийлик фаолиятини якунлашни режалаштираётгани ҳақидаги хабарларидан сўнг, ОАВдаги кескинликни камайтириш учун қўлидан келган барча ишни қилмоқда. «Борнмут» ва «Манчестер Сити» ўртасидаги учрашув бугун, 19 май куни бўлиб ўтади.
