“Манчестер Сити” таркиби сезиларли даражада қисқаради
ФОТО: Getty Images
“Манчестер Сити” бош мураббийи Пеп Гвардиола янги мавсум бошланишидан олдин таркибни қисқартиришни режалаштираётганини айтди.
“Ҳозирги ўйинчиларни бутун мавсум давомида сақлаб қолишдан хурсанд бўлардим. Футболчилардан, уларнинг ўзини қандай тутишидан шикоятим йўқ. Заҳирада 6 ёки 7 нафар футболчи қолиши шарт эмас.
Муаммо шундаки, улар мавсум давомида майдонга тушмасликлари сабаб ҳафсаласи пир бўлади. Мен буни хоҳламайман.
Бизда ҳозир жуда катта таркиб, жуда кўп ўйинчилар бор. Шунинг учун бу мавсумда биз 26 ёки 27 ўйинчига ишона олмаймиз, баъзилари кетишади”, - дейди Гвардиола.
Эслатиб ўтамиз, аввалроқ Гвардиола мавсум давомида катта таркиб билан ишлашга мажбур бўлса, жамоани тарк этишини айтганди.
Насрулло Каримов
Журналист
