“Manchester Siti” tarkibi sezilarli darajada qisqaradi
FOTO: Getty Images
“Manchester Siti” bosh murabbiyi Pep Gvardiola yangi mavsum boshlanishidan oldin tarkibni qisqartirishni rejalashtirayotganini aytdi.
“Hozirgi o'yinchilarni butun mavsum davomida saqlab qolishdan xursand bo'lardim. Futbolchilardan, ularning o'zini qanday tutishidan shikoyatim yo'q. Zaxirada 6 yoki 7 nafar futbolchi qolishi shart emas.
Muammo shundaki, ular mavsum davomida maydonga tushmasliklari sabab hafsalasi pir bo'ladi. Men buni xohlamayman.
Bizda hozir juda katta tarkib, juda ko'p o'yinchilar bor. Shuning uchun bu mavsumda biz 26 yoki 27 o'yinchiga ishona olmaymiz, ba'zilari ketishadi”, - deydi Gvardiola.
Eslatib o'tamiz, avvalroq Gvardiola mavsum davomida katta tarkib bilan ishlashga majbur bo'lsa, jamoani tark etishini aytgandi.
Nasrullo Karimov
Jurnalist
