«Манчестер Сити» спорт директори: «Ҳусановнинг энг яхши йиллари ҳали олдинда»
«Манчестер Сити» спорт директори Угу Виана Ўзбекистон миллий жамоаси ҳимоячиси Абдуқодир Ҳусанов билан шартнома 2031 йилгача узайтирилгани муносабати билан ўз фикрларини билдирди.
«Абдуқодир Англияга келганидан буён кўрсатаётган тараққиётдан жуда мамнунмиз ва катта таассуротдамиз. Биз унинг нафақат ажойиб ёш инсон, балки юқори савияли ҳимоячига айланиб бораётганини кўряпмиз. Бироқ бу ҳали бошланиши, холос.
У жисмоний ва техник жиҳатдан жуда кучли. Жаҳон даражасидаги марказий ҳимоячига айланиш учун зарур бўлган барча сифатларга эга.
Абдуқодир ҳали атиги 22 ёшда. Унинг энг яхши йиллари ҳали олдинда, салоҳияти эса тўлиқ очилганича йўқ. Шунинг учун ҳам унинг «Манчестер Сити» билан янги шартнома имзолаганидан жуда хурсандмиз. Энцо Маресканинг келгуси йиллардаги режаларида у муҳим ўрин тутишига ишонамиз», — деди Виана клубнинг расмий сайтига берган интервьюсида.
