«Манчестер Сити» Родрининг келажаги борасида бир қарорга келган

“Манчестер Сити” клуби ярим ҳимоячи Родри борасида бир қарорга келди.

Журналист Дин Жонснинг хабар беришича, испаниялик 29 ёшли футболчига “Реал” клуби жиддий қизиқиш билдирмоқда. Мадрид клуби Родрининг трансфери учун 150 миллион евро сарфлашга тайёр.

Шунга қарамай, “шаҳарликлар” футболчини сотмоқчи эмас. У ҳали ҳам жамоанинг муҳим бўғини деб билади ва унинг трансфери бўйича ҳеч қандай таклифни кўриб чиқмоқчи эмас.

Футболчининг клуб билан амалдаги битими 2027 йилнинг ёзига қадар мўлжалланган. Шу кунга қадар у клуб сафида 272 та ўйинда майдонга тушиб, 26 та гол урган ва 32 та голли узатмага муаллифлик қилган.

Розикжон Султонмуродов

Журналист