«Манчестер Сити» Нюпаннинг трансферини эълон қилди
Фото: Getty Images
“Манчестер Сити” ўзининг расмий саҳифаси орқали ярим ҳимоячи Сверре Нюпан билан шартнома қилганини эълон қилди.
Қайд этилишича, 18 ёшли норвегиялик футболчи “шаҳарликлар” билан 2030 йилнинг ёзига қадар битим имзолади.
Футболчи “Русенборг” клубидан “Манчестер Сити” сафига келиб қўшилди.
“Мен “Манчестер Сити”га ўтганимдан жуда хурсандман. Бу клубнинг бир қисми бўлиш ва жаҳон даражасидаги иқтидорлар жамоасига қўшилиш ҳар бир ёш футболчининг орзусидир”, - деди Нюпан.
Эслатиб ўтамиз, футболчи ўтган мавсум барча турнирларда 10 та ўйинда майдонга тушиб, битта голга муаллифлик қилди. Унинг Transfermarkt'даги нархи 15 миллион еврога баҳоланмоқда.
Баҳром Бобонов
Редактор
