Манба: Юрген Клопп “Реал Мадрид”ни бошқармайди
Мадриднинг “Реал” клуби бош мураббийи Карло Анчелотти истеъфога чиқарилса, унинг ўрнини Юрген Клопп эгалламайди. Бу ҳақда “Ливерпул” клуби собиқ футболчиси Маркус Баббел маълум қилди.
Унинг айтишича, “Реал”даги босим Клопп “Ливерпул”ни тарк этгандагига нисбатан анча юқори.
“Юргенни “Реал”да ишлашга рози бўлишини тасаввур қила олмайман. Анчелотти ёзда кетса ва унга бош мураббийлик таклиф қилинса ҳам. Шунингдек, Клопп “Ливерпул”га ҳеч қандай бошқарувчи ролда қайтади деб ҳам ўйламайман.
У чарчаганлиги сабаб мураббийлик фаолиятини тўхтатди. “Реал”да эса босим “Ливерпул”га қараганда анча юқори. Бор гап шу”, - дейди Баббел.
Эслатиб ўтамиз, Юрген Клопп 2024 йилнинг ёзида “Ливерпул” бош мураббийлигидан истеъфога чиққанди. Ҳозирда мутахассис Ред Буллда глобал етакчи лавозимида фаолият юритмоқда.
