Манба: “Манчестер Юнайтед” Матеус Куня билан келишувга эришди
Футбол
Насрулло Каримов
Журналист
ФОТО: Getty Images
Англиянинг “Манчестер Юнайтед” клуби “Вулверхэмптон”нинг бразилиялик ҳужумчиси Матеус Куняни ёзги трансферлар вақтида сотиб олиш бўйича келишувга эришди. Бу ҳақда Goal Brazil нашри хабар бермоқда.
Манбага кўра, битим аллақачон якунланган ва футболчи билан шахсий шартнома шартларини келишиб олинган.
Қайд этилишича, “қизил иблислар” бразилиялик ҳужумчи учун 73 миллион евро дан ошиқроқ товон пули тўлайди. Англияда трансферлар ойнаси очилгунга қадар трансфернинг барча тафсилотлари аниқ бўлиши кутилмоқда.
Маълумот учун, Матеус Куня 2023-йилнинг ёзида 50 миллион евро эвазига “Атлетико”дан “Вулверхэмптон”га ўтганди. У жорий мавсум барча турнирларда 31 та ўйинда майдонга тушиб, 16 та гол урди ва 4 та голли узатмани амалга оширди.
