Manba: “Manchester Yunayted” Mateus Kunya bilan kelishuvga erishdi

Futbol 24 apr 2025 da 12:58

Nasrullo Karimov

Журналист

Angliyaning “Manchester Yunayted” klubi “Vulverxempton”ning braziliyalik hujumchisi Mateus Kunyani yozgi transferlar vaqtida sotib olish bo'yicha kelishuvga erishdi. Bu haqda Goal Brazil nashri xabar bermoqda.

Manbaga ko'ra, bitim allaqachon yakunlangan va futbolchi bilan shaxsiy shartnoma shartlarini kelishib olingan.

Qayd etilishicha, “qizil iblislar” braziliyalik hujumchi uchun 73 million yevrodan oshiqroq tovon puli tol'aydi. Angliyada transferlar oynasi ochilgunga qadar transferning barcha tafsilotlari aniq bo'lishi kutilmoqda.

Ma'lumot uchun, Mateus Kunya 2023-yilning yozida 50 million yevro evaziga “Atletiko”dan “Vulverxempton”ga o'tgandi. U joriy mavsum barcha turnirlarda 31 ta o'yinda maydonga tushib, 16 ta gol urdi va 4 ta golli uzatmani amalga oshirdi.

Aloqador jamoalar va ligalar

Manchester United

Wolverhampton

Angliya Premer-ligasi