Манба: Флик жорий мавсум охирида «Барселона»ни тарк этиши мумкин
«Барселона» бош мураббийи Ҳанс-Дитер Флик жорий мавсум якунда клубни тарк этиши мумкин. Бу ҳақда ABC нашри хабар бермоқда.
Манбага кўра, немис мутахассиси ёзда истеъфога чиқиш ниятида эканини ўз мураббийлар штабига маълум қилган. Асосий сабаб сифатида Фликнинг чарчагани ҳамда клуб ичидаги вазиятдан ҳафсаласи пир бўлгани келтирилган.
Хабар қилинишича, у айрим футболчиларнинг ишга бўлган муносабатидан норози ва раҳбарият томонидан етарли даражада қўллаб-қувватланмаётганини ҳис қилмоқда. Мураббийга кўра, унга ўз лойиҳасини тўлиқ амалга ошириш имконияти берилмаган.
Ҳозирча «Барселона» раҳбарияти бу маълумотни расмий равишда тасдиқламаган.
Эслатиб ўтамиз, каталонияликлар ҳозирда Ла Лига турнир жадвалида 25 очко билан 2-ўринда бормоқда. Улар пешқадам «Реал»дан икки очкога ортда қолмоқда.
