Мадриднинг Реал клуби икки тарбияланувчисини қайтариши мумкин. Исмлари маълум қилинди
Todofichajes агентлиги хабар беришича, Мадриднинг «Реал» клуби икки нафар тарбияланувчисини жамоага қайтармоқчи. Мадридга қайтиши мумкин бўлган футболчилар исмлари маълум қилинди — улар Нико Пас ва Мигел Гутеррес.
Нико Пас ҳозирда Италиянинг «Комо» клубида тўп сурмоқда. 2024/25 йилги мавсумда у 29 та ўйинда майдонга тушиб, 6 та гол урди ва 5 та голли пас узатди. Мигел Гутеррес «Жирона» сафида ҳаракат қилмоқда. У Ла Лигада 27 та ўйинда иштирок этиб, 1 та гол урган ва 5 та голли узатма берган. Паснинг ҳозирги клуби билан тузган шартномаси 2028 йилнинг ўрталаригача амал қилади. Унинг трансфер қиймати 35 миллион евро деб баҳоланмоқда. Гутеррес эса «Жирона» клуби билан 2027 йилнинг ўрталаригача шартнома тузган. Унинг трансфер нархи — 25 миллион евро.
