Лука Модрич машҳур клубнинг эгасига айланиши мумкин
ФОТО: Getty Images
Мадриднинг “Реал” клуби ярим ҳимоячиси Лука Модрич инглиз клубларида бири бўлган “Суонси Сити” акциядорига айланиши мумкин. Бу ҳақда инсайдер Фабрицио Романо хабар бермоқда.
Манбага кўра, 39 ёшли хорватиялик футболчи билан келишув аллақачон якунланган ва у клуб акцияларининг кичик қисмини сотиб олади.
Қайд этилишича, бу ҳолат Модричнинг фаолиятига таъсир қилмайди ва у кейин ҳам “Реал” сафида ўйнашни давом эттиради.
Эслатиб ўтамиз, Лука Модрич 2008- йилдан 2012- йилгача “Тоттенхем” шарафини ҳимоя қилган. Кейинчалик “Реал” билан шартнома имзолаб, кўплаб совринларни қўлга киритган.
Насрулло Каримов
Журналист
