Лука Модрич фаолиятини А Серияда давом эттириши мумкин
Футбол
Насрулло Каримов
Журналист
ФОТО: Getty Images
Мадриднинг “Реал” клубини тарк этган хорватиялик ярим ҳимоячи Лука Модрич фаолиятини Италия А Сериясида давом эттириши мумкин. Бу ҳақда Fichajes нашри хабар бермоқда.
Манбага кўра, 39 ёшли хавбекнинг хизматларига Миланнинг “Интер” клуби қизиқиш билдирмоқда. “Нерадзуррилар” Модрични эркин агент сифатида ўз сафига қўшиб олиши мумкин.
Эслатиб ўтамиз, Лука 2012-йилдан буён “Реал” сафида тўп сурмоқда. Бу давр ичида у 6 марта Чемпионлар Лигаси ва 4 марта Испания Ла Лигасида ғалаба қозонди.
